ضمان الأصالة
كل عطر بيخرج من عالم سمسم أصلي 100%، زي ما طلع من الشركة المصنّعة بالظبط. ولو حصل وثبت عكس كده، فلوسك بترجعلك كاملة.
منين بنجيب عطورنا؟
عالم سمسم بيشتغل كموزّع لمنتجات أصلية، وبنشتري بضاعتنا من الشركات المالكة للعلامات التجارية أو من وكلائها وموزعيها المعتمدين. مبنشتريش من تجار شنطة ولا من مصادر مجهولة، ومبنعرضش أي منتج مش واثقين في مصدره.
عشان كده بتلاقي عندنا أكتر من 135 علامة عطور عربية وخليجية، ومجموعة مختارة من الماركات العالمية، وكلها من نفس المصدر الموثوق.
إزاي تتأكد بنفسك؟
- السيلوفان: كل عطر بيوصلك مقفول بسيلوفان المصنع الأصلي، من غير أي فتح أو إعادة تغليف.
- رقم التشغيلة (Batch Code): مطبوع أو محفور على العلبة وتحت الزجاجة. لازم يكونوا نفس الرقم، وتقدر تتحقق منه على مواقع فحص أكواد التشغيلة أو من الشركة نفسها.
- الباركود وبيانات الشركة: العلبة عليها بيانات الشركة المصنّعة وبلد المنشأ زي ما هي.
- تفاصيل الزجاجة: جودة الطباعة، وتقفيل البخاخ، ووزن الغطا. ودي حاجات العطر الأصلي بيبان فيها من أول لمسة.
ملاحظة: الشركات ساعات بتغيّر تصميم العلبة أو الزجاجة من تشغيلة للتانية. الاختلاف في الشكل لوحده مش معناه إن المنتج مش أصلي، ولو عندك أي شك ابعتلنا صورة واحنا نوضحلك.
لو عندك شك في أي منتج
- صوّر العلبة والزجاجة ورقم التشغيلة.
- ابعتلنا الصور على واتساب 01002600717 أو على care@smsmworld.com مع رقم الطلب.
- فريقنا بيراجع الحالة ويرد عليك خلال 24 ساعة.
- لو ثبت إن المنتج مش أصلي، بيتطبق الضمان اللي فوق على طول.
تقدر تشوف وتجرّب بنفسك
عندنا فرع على أرض الواقع في 5 شارع المعاهدة، بجوار كلية التربية النوعية، ميت غمر – الدقهلية. تقدر تيجي تشوف العطور وتجربها قبل ما تشتري.
وأكتر من 37,000 عميل في كل محافظات مصر اشتروا مننا، وتقييماتهم على كل منتج حقيقية من تجربة فعلية.
ليه بنقول كده بثقة؟
لأن سمعتنا هي رأس مالنا. في عالم سمسم، الثقة أهم من الخصم. بنقدّم العطر الأصلي بسعره الحقيقي، ومعاه ضمان واضح.